ភ្នំពេញ៖ នៅព្រឹក ថ្ងៃទី១១ ខែកញ្ញា ឆ្នាំ២០១៥ នៅក្រសួងការពារជាតិ ឯកឧត្តម ប្រាក់ សិទ្ធិ មេបញ្ជាការរងកងរាជអាវុធហត្ថលើផ្ទៃប្រទេស និងនាយទាហាននៃកងរាជអាវុធហត្ថចំនួន២រូបទៀត បានចូលរួមប្រជុំត្រួតពិនិត្យរបាយការណ៍ លទ្ធផលការងារប្រវត្តិសាស្ត្រយោធា៩ខែ ឆ្នាំ២០១៥ ក្រោមអធិបតីភាព ឯកឧត្តម នាយឧត្តមសេនីយ៍ ណឹម សុវត្ថិ អគ្គនាយក អគ្គនាយកដ្ឋាននយោបាយនិងកិច្ចការបរទេស។ សមាជិកចូលរួមក្នុងកិច្ចប្រជុំប្រមាណ១២៥នាក់ ដែលមកពីបណ្តាស្ថាប័ននិងអង្គភាពចំណុះក្រសួងការពារជាតិ និងសិក្ខាកាមដែលបានរៀនសូត្រនៅប្រទេសវៀតណាមកន្លងទៅ។
