ភ្នំពេញ៖ នៅថ្ងៃទី២៨ ខែមីនា ឆ្នាំ២០២៣ លោក វរសេនីយ៍ទោ ប៊ិន ភ័ស្ត នាយការិយាល័យសណ្តាប់ធ្នាប់ និងអន្តរាគមន៍ ស្នងការដ្ឋានផែនការប្រតិបត្តិការ និងហ្វឹកហ្វឺន កងរាជអាវុធហត្ថលើផ្ទៃប្រទេស បានដឹកនាំមន្ត្រីអាវុធហត្ថក្រោមឱវាទ អញ្ជើញចុះសាកសួរសុខទុក្ខគ្រួសារ លោក ព្រឹន្ទបាលឯក ជុំ សុធី បុគ្គលិក ការិយាល័យសណ្តាប់ធ្នាប់ និងអន្តរាគមន៍ ស្នងការដ្ឋានផែនការ និងហ្វឹកហ្វឺន កងរាជអាវុធហត្ថលើផ្ទៃប្រទេស ដែលគ្រួសាររបស់គាត់ទើបនឹងសម្រាលកូន នៅមន្ទីរពេទ្យអង្គដួង ។ ក្នុងនោះផងដែរ លោក នាយការិយាល័យ បាននាំយកនូវថវិកា និងគ្រឿងបរិភោគមួយចំនួនប្រគល់ជូនផងដែរ។