កែប៖ នៅបញ្ជាការដ្ឋាន កងរាជអាវុធហត្ថខេត្តកែប ព្រឹកថ្ងៃទី២២ ខែកញ្ញា ឆ្នាំ២០២២លោក វរសេនីយ៍ឯក អ៊ុក រិទ្ធីសក្ក័ មេបញ្ជាការរង កងរាជអាវុធហត្ថខេត្តកែប តំណាងលោក ឧត្តមសេនីយ៍ត្រី ហ៊ត សីហា មេបញ្ជាការ កងរាជអាវុធហត្ថខេត្ត បានទទួលជួបស្វាគមន៍ជាមួយតំណាងក្រុមហ៊ុនទឹកបរិសុទ្ធអារុណា ដែលបាននាំយកអំណោយទឹកបរិសុទ្ធ ចំនួន ១០០កេស ឧបត្ថម្ភដល់បញ្ជាការដ្ឋានកងរាជអាវុធហត្ថខេត្តកែប សម្រាប់ចាត់ចែងប្រើប្រាស់តាមតម្រូវការចាំបាច់ចំពោះមុខ។ ក្នុងឱកាសនេះ លោក វរសេនីយ៍ឯក មេបញ្ជាការរង ក៏បានថ្លែងនូវអំណរគុណចំពោះសមានចិត្តដ៏ល្អថ្លៃថ្លារបស់ម្ចាស់ក្រុមហ៊ុនទឹកបរិសុទ្ធ អារុណា និងក្រុមការងារ ដែលបានឆ្លៀតពេលដ៏មានតម្លៃ នាំយកអំណោយមកប្រគល់ជូននាពេលនេះ និង សូមជូនពរដល់ម្ចាស់ក្រុមហ៊ុន និងក្រុមការងារ ឱ្យមានសុខភាពល្អមាំមួន មានសុខសុមង្គល ក្នុងក្រុមគ្រួសារ និងដំណើរការមុខរបរទទួលទាន មានអតិថិនជនចូលចិត្តគាំទ្រច្រើនៗ និងមានភាពរីកចម្រើនទៅមុខជារៀងរហូត។