តាកែវៈ នៅវេលាម៉ោង១៤ និង០០នាទី ថ្ងៃទី១៩ ខែតុលា ឆ្នាំ២០១៦ នៅបញ្ជាការដ្ឋាន កងរាជអាវុធហត្ថខេត្តតាកែវ បានប្រារព្ធពិធីបើកវគ្គបំប៉នជំនាញកងរាជអាវុធហត្ថ ជំហ៊ានទី៣ ឆ្នាំ២០១៦ ក្រោមអធិបតីភាព លោក ឧត្តមសេនីយ៏ត្រី ឡា ឡៃ មេបញ្ជាការ
កងរាជអាវុធហត្ថខេត្តតាកែវ ដោយមានការអញ្ជើញចូលរួមពីសំណាក់ លោកមេបញ្ជាការរង នាយរងសេនាធិការដ្ឋាន នាយ នាយរងការិយាល័យ ប្រធាន អនុប្រធានមន្ទីរ បញ្ជាការក្រុង ស្រុក ស្នាក់ការ គោលដៅ ចូលរួមសរុបចំនួន៦៨នាក់។

បើតាមសំដីលោក ឧត្តមសេនីយ៏ត្រី ឡា ឡៃ បានថ្លែងប្រាប់ភ្នាក់ងារ GRK News ថា ក្នុងវគ្គនេះដែរ មានសិក្ខាកាមសរុប ចំនួន៥៥នាក់ ក្នុងនោះមានខ្លឹមសារមេរៀនដូចជា ៖
០១. ការងារ អប់រំចិត្តសាស្ត្រ
០២. លំហាត់របៀប
០៣. ការងារធ្វើផែនការ និងរបាយការណ៏
០៤. ការងារជំនាញយុត្តិធម៍
០៥. ការងារជំនាញភស្តុភា បច្ចេកទេស ។

ជាកិច្ចចាប់ផ្តើម លោក ឧត្តមសេនីយ៍ត្រី មេបញ្ជាការ បានមានប្រសាសន៏សំណេះសំណាលដោយសង្កត់ធ្ងន់ទៅលើ ការអនុវត្តភារកិច្ចជំនាញក្នុងការងារ បង្ការ បង្ក្រាប និងសង្គ្រោះ ដែលបានអនុវត្តកន្លងមក និងបានផ្តាំផ្ញើអ្នកគ្រប់គ្រងវគ្គ និងគ្រូឧទ្ទេសនាម ត្រូវយកចិត្តទុកដាក់ក្នុងការណែនាំនូវឯកសារល្អៗមកបង្រៀន ជាពិសេសនាយទាហ៊ានដែលមករៀនត្រូវគោរពពេលម៉ោងសិក្សា និងយកចិត្តទុកដាក់ស្តាប់គ្រូឧទ្ទេសនាមអោយបានល្អ។