អហ កំពង់ឆ្នាំង៖ វេលាម៉ោង៧និង០០នាទី ថ្ងៃទី៣ ខែកញ្ញា ឆ្នាំ២០១៥ កម្លាំងអាវុធហត្ថខេត្ត និងស្រុករលាប្អៀរ សរុបចំនួន ៥០នាក់ ដឹកនាំដោយលោក ឧត្តមសេនីយ៍ត្រី មាស សុវណ្ណ មេបញ្ជាការកងរាជអាវុធហត្ថខេត្តកំពង់ឆ្នាំង បានសហការជាមួយមន្ទីរស្ថាប័នជុំវិញខេត្តដែលដឹកនាំរួមដោយ ឯកឧត្តម ឈួរ ច័ន្ទឌឿន អភិបាលនៃគណ:អភិបាលខេត្តកំពង់ឆ្នាំង ចុះជួយស្ទូងស្រូវប្រជាពលរដ្ឋ នៅភូមិព្រះរាមរង្សី ឃុំជ្រៃបាក់ ស្រុករលាប្អៀរ។ លទ្ឋផលសរុប ស្ទូងស្រូវបានចំនួន ០៤ហិចតា។
