អាវុធហត្ថឃាត់ខ្លួនបុរសម្នាក់កាប់គេបីកំបិតដោយសារឈ្លោះប្រកែកពាក្យសម្តីគ្នា

អហ បាត់ដំបង៖ ថ្ងៃទី៣១ ខែសីហា ឆ្នាំ២០១៥ វេលាម៉ោង៦និង១៥នាទី កម្លាំងអាវុធហត្ថស្រុកមោងឫស្សីបានឃាត់ខ្លួនជនសង្ស័យ០១នាក់ ដែលប្រើអំពើហិង្សា នៅចំណុចភូមិពោធិ2 ឃុំគា ស្រុកមោង ខេត្តបាត់ដំបង។ ជនសង្ស័យឈ្មោះ ផាន់ រដ្ឋា ហៅស៊ីស ភេទប្រុស ភេទ២៤ឆ្នាំ មុខរបរគ្មាន ទីលំនៅភូមិព្រែកជីក ឃុំព្រែកជីក ស្រុករុក្ខគីរី បាត់ដំបង។ សូមបញ្ជាក់ថា នៅវេលាម៉ោង២០និង៣០នាទី ថ្ងៃទី២៩ ខែសីហា ឆ្នាំ២០១៥ ត្រង់ភូមិតាតុក2 ឃុំមោង ស្រុកមោង ខេត្តបាត់ដំបង មានការឈ្លោះប្រកែកពាក្យសម្តីគ្នា រហូតឈានដល់យកកាំបិត​កាប់នៅជនរងគ្រោះ បណ្ដាលឱ្យត្រូវ ៣កាំបិត ចំត្រង់ដៃឆ្វេងមួយកាំបិត ត្រង់ឆ្អឹងជំនីមួយកាំបិត ត្រង់ផ្ទៃមុខមួយកាំបិត (របួសជាទម្ងន់)។ ជនរងគ្រោះឈ្មោះ គៀន ណៃ ភេទប្រុស អាយុ២៨ឆ្នាំ មុខរបរគ្មាន ទីលំនៅកន្លែងកើតហេតុខាងលើ។